.:.ღ♥ღ  مازنی ها  ღ♥ღ.:.

بِهار بي اَمو برفه اُو هاكردهِ
قشنگي ره بَيتهِ دِريو هاكردهِ
اَمهِ دشت چراغ سو هاكردهِ
بِهار همه جارهِ خِش بو هاكردهِ


بَخوون هاي بَخوون هاي
بَخوون دل بيقراره تِه بلاره
بَخووندي بخووندي خله خاره ....تِه بلاره


بَخوون بِلبِل تِه خُوونِش خله خاره
ونوشه تِه وِسه چشم انتظاره
بَخوون بِلبِل كه دل بي تِه نِخاره
ته خووندني زمستون هم بِهاره


بخوون هاي بخوون هاي
بخوون دل بيقراره ته بلاره
بخووندي بخووندي خله خاره ....ته بلاره

هواجهِ در اِنه نم نم وارش
بِروُ مازرون هواره هارِش
هاكرده دشت و صحرا رهِ نوازِش
ونوشه ره دِنه هي گِل به گِل خِش......